ᐅᑖᐦ ᐄᔨᔨᐅᔨᒧᐧᐃᓐ ᐄᔨᔨᐅᔅᒌᐦᒡ ᐋᐦ ᐅᐦᒋ ᐋᐱᑎᔒᔥᑎᒫᐦᒡ ᔖᔥ ᒥᔥᑎᐦ ᓃᔥᑖᒥᐦᒡ ᐄᔑ ᒋᔥᒋᐱᔨᐤ᙮ ᐋᐅᒄ ᓃᔥᑎᒻ ᐧᐋᐦ ᐧᐄᐦᑎᒫᐦᒡ ᐋᐦ ᐅᔅᒋᓰᒡ ᒑ ᐧᐄᒑᐱᑎᓰᒥᔨᒥᐦᒡ ᐅᔮ ᒑ ᐋᑎ ᐱᐳᓂᔨᒡ ᐋᐦ ᑭᓂᐧᐋᐱᐦᑎᑭᓂᐧᐃᐧᐃᔨᒡ ᑭᔮᐦ ᐊᓂᑖᐦ ᒑ ᒌᐦ ᐄᔑ ᒥᒋᒥᓂᑭᓂᐧᐃᐧᐃᔨᒡ ᐄᔨᔨᐅᔨᒧᐧᐃᓂᔨᐤ᙮ ᓂᓯᒋᔮᓯᓈᓐ ᐅᒌ ᐋᑎ ᒥᓯᓈᓱᒡ ᒑ ᐧᐄᒑᐱᑎᓰᒥᒋᐦᒡ:  ᒉᐃᒥᔅ ᐧᐹᐱᔥ ᓘᒃ ᒥᑭᓛᐅᑦ ᓘᓰ ᐧᓵᓪᑦ  ᒣᕆ ᒉᐃᓐ ᐯᑕᐧᐋᐸᓅ ᓘᓰ ᔐᒻ ᐧᑖᒥᔅ ᑰᓐ  ᕇᑖ ᒥᑭᓛᐅᑦ ᕕᕃᑏ ᑎᒃᓯᓐ ᐋᓈ ᐳᓯᒻ  ᓂᒋᔅᒑᔨᐦᑎᐧᒫᓈᓐ ᒥᔥᑏᐦ ᒑᐧᑳᔨᐤ ᒑ ᐧᐄᒋᐦᐄᑯᐧᐃᒋᐦᒡ ᐅᑖᐦ ᐄᔑ ᓃᔥᑖᒥᐦᒡ ᓈᑖᐦ ᔖᔥ ᐧᐋᔥᑭᒡ ᐅᑖᐦᒡ ᐋᐦ ᒌᐦ ᐹᒋ ᐋᐱᑎᔒᔥᑎᐦᒡ ᐄᔨᔨᐅᐃᔨᐦᑎᐧᐃᓂᔨᐤ ᑭᔮᐦ ᐄᔨᔨᐅᔨᒧᐧᐃᓂᔨᐤ ᒑ ᒌᐦ ᑭᓂᐋᔨᐦᑖᑯᓂᔨᒡ ᐅᑖᐦ ᐄᔑ ᓃᔥᑖᒥᐦᒡ ᒑ ᒌᐦ ᐧᐄᒋᐦᐄᑯᒡ ᐄᔨᔨᐅᒡ ᐅᑖᐦ ᐄᔨᔨᐅᔅᒌᐦᒡ ᐋᑳ ᐴᓂᐦᑖᑭᓂᐧᐃᒑ ᐋᐦ ᐋᐱᑎᔒᔥᑎᑭᓂᐧᐃᒡ᙮  ᓃᔥᑎᒻ ᑳ ᒫᒧᐧᐃᔮᐦᒡ ᐋᑯᑎᐦ ᑳ ᐧᐄᒋᐦᐄᒥᐦᒡ ᒑ ᒌᐦ ᒥᔅᑭᑭᓂᐧᐃᒡ ᐊᓂᑖᐦ ᒑ ᒌᐦ ᐄᔑ ᐧᐄᐦᐄᑭᐧᐃᔮᓐ ᐊᓐ ᒑ ᓃᑳᓂᐱᔥᑎᒫᓐ ᐄᔨᔨᐅᔨᒧᐧᐃᓐ ᐋᐦ ᐧᐄᐦ ᒥᔥᑭᐧᐃᐦᑖᑭᓂᐧᐃᒡ᙮ ᒌᐦ ᐱᒋᔅᑎᓂᒧᒡ ᒋᔖᔨᔨᐅᒡ ᐅᑎᑖᔨᐦᑎᒧᐧᐃᓂᐧᐋᐤ ᑭᔮᐦ ᒌᐦ ᐋᔨᒧᑖᐤ ᑳ ᐄᔑᓈᑯᓂᔨᒡ ᐅᑖᐱᑎᓰᐧᐃᓐ ᐊᓐ ᓈᑳᓂᔥᑳᒑᑦ ᑭᔮᐦ ᐧᐄᔨ ᐋᐦ ᒌᐦ ᐧᐄᔓᐧᐋᑦ᙮ ᒌᐦ ᐋᔨᐧᒫᐅᐦᐄᐧᐋᐤ ᐋᐦᐧᒫᔮᐦ ᐅᐦᒋ ᐧᐃᔮᔨᐦᑖᑯᐦᒡ ᐊᓐ ᒑ ᐋᐱᑎᐦᒡ᙮ ᐊᓐ ᒫᒃ ᐧᐋᔥᑭᒡ ᐊᔨᒧᐧᐃᓐ ᐋᐅᒄ ᑳ ᐅᑎᓂᑭᓂᐧᐃᒡ ᔖᔥ ᐋᑳ ᓈᔥᒡ ᒦᐦᐧᑳᒡ ᐹᐦᑖᑯᐦᒡ᙮ ᐊᓐ ᑳ ᐧᐃᔮᔨᐦᑖᑯᐦᒡ ᐋᐅᒄ ᐄᔨᔨᐅᔨᒧᐧᐃᓐ ᑭᓂᐧᐋᐱᒫᑭᓐ᙮  ᐋᐦ ᒋᔅᒋᓰᑎᑎᐧᐃᐧᑳᐤ ᐋᓂᔥᑭᐧᐃᔑᐅᒡ ᒨᔥ ᐋᐦ ᒌᐦ ᐹᒋ ᐋᐱᒋᔥᑖᒡ ᐅᔮ ᐊᔨᒧᐧᐃᓂᔨᐤ ᓂᒨᔑᐦᑖᓐ ᑎᐱᐦᑖᔨᒧᐧᐃᓐ ᑭᔮᐦ ᒋᔥᑖᔨᐦᑖᑯᓱᐧᐃᓐ ᐆ ᒑ ᐄᔑ ᐧᐄᐦᐄᑭᐧᐃᔮᓐ᙮ ᐅᑖᐦ ᐋᐦ ᐅᐦᒋ ᐋᐱᑎᓯᔮᐦᒡ ᐋᔅᑭᐤ ᒋᑭ ᐧᐄᐦᑎᒫᑎᓈᓐ ᐋᑎ ᐃᔨᔅᐱᔨᒡ ᑭᔮᐦ ᐊᓂᑎᐦ ᐋᑎ ᐃᔨᐦᑎᑯᐦᒡ ᐆ ᐹᒦᐦᑭᑭᓂᐧᐃᒡ᙮  ᒋᓂᔅᑯᒥᑎᓈᐧᐋᐤ᙮  ᒉᐃᒦ ᒧᓱᔅ ᐄᔨᔨᐅᔨᒧᐧᐃᓐ ᑭᓂᐧᐋᐱᒫᑭᓐ  English version

We are working hard to establish the Commissioner’s office, and the coming year will see the launch of several important initiatives. Here you will find information on community visits by the Commissioner, language surveys in the communities, the launch of Cree language plans, and communication about important issues regarding the Cree language. You can will also be able to follow much of this work via the Commissioner’s Facebook page. To date, we have been focussed on activities relating to the establishment of the Commissioner’s Office, including the hiring of a Coordinator of Cree Language Revitalization, the design of a logo for the office, the appointment of an ad-hoc advisory committee and the declaration of March as Iyiyiu Ayimuwin Piisim – Cree Language Month.